Уладзімір Масакоўскі

У гэтыя яркія веснавыя дни салігарчане заўважваюць прыкметную актыўнасць на будаўніцтве галоўнага гарадскога храма. Як ладзяць купалы чалябінскія спецыялісты, а таксама пра ўклад нашых будаўнікоў ва ўзвядзенне праваслаўнага комплекса расказвае пазаштатны карэспандэнт газеты і мясцовы краязнаўца


Прыступілі да абліцоўкі палусфер купалоў сабора


23 сакавіка 2016 года спецыялісты прыватнага прадпрыемства – таварыства з абмежаванай адказнасцю “Морион” у колькасці 7-мі чалавек, па дамоўленнасці, прыбылі з Урала, з горада Трохгорска Чалябінскай вобласці Расійскай Федэрацыі . У горадзе Салігорску яны прыступілі да выканання мантажна-зварачных работ па вырабу каркасаў абалонак і іх абліцоўкі. Яны заняты зараз на 7-мі купалах асноўнага храма і аднаго купала для ўваходняй брамы – званіцы Хрыстаражджэственскага сабора праваслаўнага комплексу. Узначальвае гэты “дэсант” дырэктар ТАА “Морион” Рэнат Рамзіевіч Рахімаў. У саставе брыгады слесараў мантажных работ – брыгадзір Уладзімір Віктаравіч Маслаў, слесары Міхаіл Віктаравіч Боркін, Васілій Мікалаевіч Гусеў, Арцём Сяргеевіч Еўстратаў, Аляксей Радзікавіч Садыкаў і Аляксандр Аляксеевіч Ягораў.

Яны з прывезеных з сабою матэрыялаў, згодна рабочых чарцяжоў, прыступілі да працы.

Дыяметр кружалаў абалонкі палусфер, згодна рабочых чарцяжоў, складае 3,63 метра, а агульная вышыня каркаса – 2,5 метра.

Брыгадзір Уладзімір Маслаў паведаміў наступнае:

- Наша задача – выканаць мантаж 8-мі каркасаў абалонак палусфер купалаў сабора, пафарбаваць метал і зрабіць абліцоўку купалаў ліставой нержавеючай сталлю з нітрыт – тытанавым пакрыццём залацістага колеру. А калі будзе зманціравана абалонка самай вялікай палусферы галоўнага купала храма, то мы прыступім да выканання работ па яе абліцоўцы. Увесь аб’ём работ мы плануем завершыць да 1-га мая гэтага года.



Як гэта было



Яшчэ з 2014 года на будаўніцтве першага пускавога комплексу Хрыстаражджэственскага сабора вядуцца работы па падрыхтоўцы 8-мі малых палусфер (сямі для купалаў асноўнага храма і адной для купала ўваходняй брамы-званніцы).

Менавіта ў 2014 годзе адна палусфера была ўстаноўлена на купал уваходняй брамы.

Мантажна-зварачныя работы па вырабу металічных каркасаў 6-ці палусфер дыяметрам 3,2 і вышынёй 1,6 метра выканала салігорскае мантажнае ўпраўленне ААТ “Прамтэхмантаж” і па адной палусферы – завод жалезабетонных канструкцый будтрэста №3 і прыватнае вытворча-тэхнічнае прадпрыемства “Кованых вырабаў завод Беларускі” горада Кобрына.

ПВТУП “КВЗБел” таксама выканала работы па падрыхтоўцы металаканструкцый для палусфер галоўнага купала храма ўнутраным дыяметрам 5,2 метра і вонкавай абалонкі для самай вялікай палусферы дыяметрам 12 метраў.

Работы па абшыўцы металічных каркасаў малых палусфер для купалаў сабора драўляным брусам выканалі цесляры-бетоншчыкі з брыгады Васіля Міхайлавіча Дубіцкага (БУ-123 будтрэста №3).

28 кастрычніка 2015 года на адметцы 30,2 метры скляпення будынка асноўнага храма будаўнікі брыгады Дубіцкага прыступілі да мантажа каркаса самага вялікага галоўнага купала сабора з калонамі (металічнымі з антыкаразійным пакрыццём), металаканструкцыямі , маналітнымі паяснымі перакрыццямі і цаглянай кладкай. У гэты дзень на скляпенні будынка асноўнага храма сабора была ўстаноўлена першая круглая калона даўжынёю 16 метраў і дыяметрам 0,4 метра.

У лістападзе былі завершаны работы па ўстаноўцы 12-ці калон унутранага кола купала дыяметрам 6,4 метра і 12-ці калон вонкавага кола купала дыяметрам 9 метраў. Зварачныя работы выконвалі зваршчыкі Сяргей Трухан і Сяргей Мацейка.

Пасля заканчэння мантажна-зварачных работ па будаўніцтву ніжняга звяна купала вышынёй 22 метры і ўнутранняй палусферы на адметцы 42,8 метраў, будаўнікі выканалі работы па заліўцы паясных бетонных маналітных пліт на адметках 43,04 і 46,2 метра.

21 сакавіка 2016 года, у панядзелак, будаўнікі брыгад Васіля Дубіцкага на адметцы 46,2 метры прыступілі да будаўніцтва апошняга звяна галоўнага купала асноўнага храма дыяметрам 3,2 метры. У гэты дзень былі ўстаноўлены 7 з 12-ці калон.

26 сакавіка, у суботу, асноўныя мантажна-зварачныя работы па ўстаноўцы 12 калон, раскосаў і паясной канструкцыі па цэнтры калон з закладнымі балкамі пад аркі абалонкі самай вялікай палусферы галоўнага купала на верхнім малым звяне галоўнага купала храма былі завершаны.

28 сакавіка 2016 года будаўнікі брыгады Васіля Дубіцкага прыступілі да мантажна – зварачных работ па ўстаноўцы 72 арак, 36 – даўжынёй 7,85 м і 36 – даўжынёй 6,26 м для абалонкі палусферы дыяметрам 12, а вышынёй 6 метраў. У гэты дзень было ўстаноўлена 7 металічных арак.

Усе металаканструкцыі для галоўнага купала храма дастаўляюцца ў Салігорск з прадпрыемства “КВЗБел” горада Кобрына.

Дастаўку металаканструкцый, будматэрыялаў з двара будпляцоўкі ажыццяўляюць кранаўшчыкі УМС-108 Вольга Рашчэня і Александр Ігнашэвіч.



З гісторыі пытання: як будаваўся храм



У 2014-2015 гадах, пад час будаўніцтва першага пускавога комплексу сямікупальнага Хрыстаражджэственскага сабора ў горадзе Салігорску, брыгада цесляроў-бетоншчыкаў будтрэста №3 пад кіраўніцтвам Мікалая Максімавіча Чаравакі ў колькасці 17 чалавек выканала вялікі аб’ём работ па будаўніцтву маналітнай рамы – каркаса асноўнага храма, яго маналітных сводаў, абалонак трапезні і ўваходнай брамы-званіцы сабора.

У сакавіку 2015 года на будоўлі да працы прыступіла брыгада цесляроў-бетоншчыкаў БУ-123 Васіля Міхайлавіча Дубіцкага ў колькасці 20 чалавек.

Праз пэўны час брыгада Мікалая Чаравакі была пераведзена на другі аб’ект.

Члены брыгады Васіля Дубіцкага таксама выканалі вялікі аб’ём мантажна-зварачных, бетонных і цяслярных работ на будаўніцтве сводаў, абалонак і купалоў асноўнага храма Хрыстаражджэственскага сабора.

У Салігорск, на будаўніцтва сабора, металаканструкцыі пастаўляюць завод жалезабетонных канструкцый ААТ “Будтрэст №3 Ордэна Кастрычніцкай рэвалюцыі”, прыватнае вытворча-тэхнічнае унітарнае прадпрыемства “Кованых вырабаў завод Беларускі”(ПВТУП “КВЗБел”) з горада Кобрына, Салігорскае мантажнае ўпраўленне ААТ “Прамтэхмантаж” і іншыя прадпрыемствы.

Да жніўня 2015 года будаўнікі БУ-123 завяршылі працу на ўзвядзенні маналітных сцен і сводаў асноўнага храма да адметкі 30,2 м, уваходнай брамы-званніцы, трапезнай са службовымі памяшканнямі і падрыхтавалі фронт работ для другіх падраздзяленняў будтрэста.

Да гэтага часу амаль усе будынкі Хрыстаражджэственскага сабора адзеліся ў будаўнічыя лясы. Тормазам будаўніцтва стала пытанне аб фінансаванні аб’екта.

У сувязі з гэтым кіраўнікамі салігорскіх прадпрыемстваў было прынята рашэнне аб адлічэнні на будаўніцтва 35 мільярдаў рублёў, 25 мільярдаў з якіх выдзеліла ААТ “Беларуськалій”.

У верасні 2015 года, з нагоды буйнога ўлівання грошай у будоўлю, на будпляцоўцы ўпершыню за ўсю гісторыю будаўніцтва сабора разгарнуўся шырокі фронт работ. Будаўнічы гарадок з паўночна-усходняга боку Хрыстаражджэственскага сабора павялічыўся больш чым удвая.

Да будаўнічых работ на аб’екце прыступілі брыгады з іншых філіялаў будтрэста № 3. Агульная колькасць будаўнікоў на кастрычнік 2015 года складала 190 чалавек. У гэты перыяд тут працавалі 35 прадстаўнікоў генпадрадчыка – БУ-123, якія вялі будаўніцтва асноўнага храма; 12 чалавек з ЭМУ выконвалі мантаж надворкавых і ўнутраных сетак, электрашчытавых і сетак асвятлення; 16 чалавек з СМУ вялі мантаж сантэхнічнага абсталявання і вентыляцыі. Таксама 37 чалавек з СУ-149 пракладвалі знадворкавыя падземныя і інжынерныя сеткі, рабілі пешаходныя тратуары, будавалі аўтастаянкі на 13, 21 і 3 машынамесцы, вялі работы па добраўпарадкаванню тэррыторыі з паўднёва- заходняга боку будоўлі.

БУ-137 накіравала на храм 90 чалавек тынкоўшчыкаў, цесляроў, муляраў(усяго 9 брыгад) і два звяны вышыннікаў і падсобных рабочых, якія выконвалі вонкавыя работы па ўцяпленню, тынкоўцы і фарбоўцы фасадаў будынкаў і ўнутраныя работы. За гэты час на будоўлі храма паспелі папрацаваць прадстаўнікі амаль усіх брыгад генпадраднага БУ-123, а менавіта: Мікалая Чаравакі, Васіля Дубіцкага, Эдуарда Юшкевіча, Яўгенія Міхнаўца, Мікалая Назарава, Валерыя Камкова .

Майстрам БУ-123 на будоўлі з нядаўняга часу працуе Максім Віктаравіч Скалабан.

Адказнасць за вядзенне будаўніцтва Хрыстаражджэственскага сабора , арганізатарскія функцыі і агульнае кіраўніцтва брыгадамі ўзложана на прараба БУ-123 Ігара Уладзіміравіча Садуху.

Усе этапы будаўніцтва сабора знаходзяцца пад пільным кантролем кіраўніцтва генпадраднага СУ-123 – Дмітрыя Міхайлавіча Картуза, а таксама прадстаўнікоў будтрэста №3, такіх, як першы намеснік генеральнага дырэктара Аляксей Цімафеевіч Сідараў і іншыя.